AKAPANDAMNENI

Kapandamneni ndi gulu la mawu lomwe silikhala ndi mneni wosintha nthawi ndipo nthawi zina limagwira ntchito ngati mtundu wamawu.

Zitsanzo:

• Tikupita ku Zomba.
• Samakonda kudya mbatata.
• Adabwera usiku zedi.
• Ankatafuna ngati nkhumba.
• Mwana wa abusa athu amatukwana zedi.

MITUNDU YA AKAPANDAMNENI

Kuti tidziwe mtundu wakapandamneni, tiyenera kuyeza mawu omwe ali paphata la kapandamneniyo.

1. Wadzina: Amayamba ndi dzina ndipo amagwira ntchito ngati dzina.

• Zitsanzo: Mwana osamvera malangizo amachititsa manyazi makolo.

1. Wamfotokozi: Mawu apaphata pake ndi mfotokozi ndipo amagwira ntchito ngati mfotokozi.

• Zitsanzo: Nkhuku yosayikira pakhomo imadyedwa ndi zilombo.

1. Wamuonjezi: Amagwira ntchito ngati muonjezi, ngakhale kuti sinthawi zonse amayamba ndi muonjezi.

• Zitsanzo: Amayenda ngati chitsiru.

1. Wamperekezi: Ili ndi gulu lamawu lomwe limayamba ndi mperekezi.

• Zitsanzo: M’chiuno mwa mwana simufa nkhuku.

1. Wamfuwu: Amayamba ndi mfuwu ndipo amagwira ntchito ya mfuwu.

• Zitsanzo: Kalanga ine! Ndavulala.

1. Wamneni wosasintha nthawi: Mawu apaphata pake amakhala mneni wosasintha nthawi.

• Zitsanzo: Ndidalephera kupita kusukulu.