Atengambali: Mayi ake a Nthondo, azimayi a m’mudzi, atsibweni ake a Nthondo, mlongo wake wa Nthondo, ndi ena ambiri.
Malo: Kumudzi kwawo kwa mayi ake a Nthondo

NKHANI YA M’MUTUWU MWACHIDULE

• Nthondo adabadwa nthawi yozizira usiku.
• Nthondo adali mwana yekhayo wamwamuna pomwe ena onse anali aakazi.
• Anthu a m’mudziwo adapita kukayamikira kubadwa kwa mwana.
• Nthondo anali mwana amene anayembekezeka kutsatira makolo ake polowa bulangete akakula.
• Bambo ake a Nthondo anali atatengedwa ndi asilikali pamene iye anabadwa.
• Uthenga wa kubadwa kwa Nthondo unatumizidwa kwa bambo ake a Nthondo.
• A kwawo kwa bambo ake a Nthondo adalandira uthenga ndi chimwemwe chachikulu.
• Amayi ake a bambo ake a Nthondo adakonzekera ulendo wokawona Nthondo.
• Anthu a kwawo kwa bambo ake adayamikira kukongola kwa Nthondo ndipo adadziwitsidwa za kutengedwa kwa bambo ake ndi asilikali.
• A kwawo kwa bambo ake a Nthondo adakhala kwa mayi ake a Nthondo kwa kanthawi.

MFUNDO ZIKULUZIKULU ZA M’MUTUWU

1. Chisangalaro

• Anthu a kumudzi kwa Nthondo adasangalala ndi kubadwa kwake.
• A kwawo kwa bambo ake a Nthondo nawonso adakondwera ndi uthenga wa kubadwa kwa Nthondo.

1. Miyambo

• Bambo ake a Nthondo ankakhala chikamwini.
• A kwawo kwa mayi ake a Nthondo adalengeza za kubadwa kwa Nthondo kwa akuchimuna.

1. Kuthandizana

• Anthu am’mudziwo adathandizana powafunira madzi mayi ake a Nthondo, popeza anali akadadwala.

MAPHUNZIRO AM’MUTUWU

1. Ndibwino kuyamikira zinthu zabwino.
2. Ndibwino kuthandiza anzathu pamene ali m’mavuto.