APEREKEZI

Awa ndi mawu amene amaperekeza dzina kapena mlowam’malo. Zitsanzo:

• Bwerani kwa ine nonse olemba ndi ovutika.
• Ndagula fanta chifukwa cha iwe.

MAGULU A APEREKEZI

1. Mperekezi wamawu amodzi
   Zitsanzo:

• Tikupita ku Nsaka.
• Wakhala pa chitsa.
• Ndidzakumenya ndi ichi.

1. Mperekezi wamawu awiri
   Zitsanzo:

• Mukabisale pansi pa bedi.
• Tidampeza kuseri kwa chigayo.
• Tinkayenda mphepete mwa msewu.
• Wamwalira kamba ka malungo.

NTCHITO ZA APEREKEZI

1. Kusonyeza chipangizo/chida
   Zitsanzo:

• Adamukwapula ndi tsatsa.
• Ndikugwaza ndi chisongole.
• Adabwera pa galimoto.
• Tinkauluka pa tsache.

1. Kusonyeza mbali yomwe chinthu chili (malo)
   Zitsanzo:

• Mwana wapita ku Matawale.
• Atate ali pa phiri.
• Akuyenda pakati pa msewu.
• Ndidamuona m’mbali mwa khola.

1. Kusonyeza umwini
   Zitsanzo:

• Musadye mapapaya a Nagwede.
• Ng’ombe izi ndi za amalume.

1. Kusonyeza nthawi
   Zitsanzo:

• Tilemba mayeso mkati mwa Juni.
• Kodi udabadwa pakati pa mwezi?
• Ndidzapitako pa chisanu.

1. Kusonyeza kuchita ntchito ndi wina kapena chinthu china
   Zitsanzo:

• Mukadya ndi alendo.
• Apita ndi atsibweni.
• Ndayenda ndi ndalama.
• Mugule ndi ndalama zanu.

1. Kusonyeza chifukwa
   Zitsanzo:

• Mwabwera kuno kumudzi chifukwa cha matendawa.
• Mwanayu afa kamba ka uhule.
• Kodi mwagulitsa Malaya chifukwa cha mtsikanayu?