ZIGANIZO

Chiganizo ndi gulu lamawu lokhala ndi mneni ndipo limapereka ganizo lomveka bwino.

Zitsanzo:

• Ali kulandira mankhwala otalikitsa moyo.
• Timakhala ku Blantyre.

MITUNDU YA ZIGANIZO

1. Chiganizo chopanda nthambi: Chimakhala ndi mneni m’modzi ndiponso chimakhala ndi ganizo limodzi.

• Zitsanzo: Timadya bwino.

1. Chiganizo chanthambi: Chimakhala ndi nthambi yoyima payokha komanso ina yosaima payokha.

• Zitsanzo: Ndizoona kuti ndili ndi pakati.

1. Chiganizo chaziganizo: Chimakhala ndi ziganizo zopanda nthambi zingapo zomwe zimalumikizidwa ndi mlumikizi m’modzi.

• Zitsanzo: Adasewera, adavina komanso adachitako ndewu.

1. Chiganizo chaziganizo zanthambi: Chimapangidwa ndi ziganizo zanthambi zingapo.

• Zitsanzo: Tagwirizana kuti tikwatirane ngakhale tilibe podalira.

NTHAMBI ZA CHIGANIZO

Nthambi ndi gulu la mawu lomwe limakhala ndi mneni wakewake.

Zitsanzo:

• Popeza ukuchita mwano.
• Tipitako madzulo.

MITUNDU YA NTHAMBI ZACHIGANIZO

1. Nthambi yoima payokha: Imapereka ganizo lomveka bwino.

• Zitsanzo: Tipitako madzulo.

1. Nthambi yosaima payokha: Simapereka ganizo lomveka ndipo imadalira nthambi yoima payokha.

• Zitsanzo: Popeza ukuchita mwano pamene tinali kudya.

MITUNDU YA NTHAMBI YOSAIMA PAYOKHA

1. Yadzina: Imagwira ntchito ngati dzina motere:

• Zitsanzo: Zakuti wapita sindidamve.

1. Yamfotokozi: Imakamba zambiri zadzina lomwe lili munthambi yoyima payokha.

• Zitsanzo: Chuma chimene wabacho ufa nacho.

1. Yamuonjezi: Imagwira ntchito ngati muonjezi ndipo ili ndi mitundu yotsatirayi:

• Wanthawi: Imasonyeza nthawi yomwe ntchito yachitika.
• Wamalo: Imaonetsa malo amenentchito ikuchitikira.
• Wamchitidwe: Imakamba zamchitidwe wa momwe ntchito yachitikira.
• Wachifukwa: Imasonyeza chifukwa chomwe ntchito yamneni wa munthambi yoima payokha yachitikira.
• Wacholinga: Imasonyeza cholinga chomwe ntchito yamneni wa munthambi yoyima payokha idachitikira.
• Wolabadira: Imasonyeza kulabadira.
• Wapokhapokha: Imasonyeza kuti ntchito ichitika inzake ikakwaniritsidwa.
• Wazotsatira: Imasonyeza zotsatira za ntchito yamneni wamunthambi yoyima payokha.